रौतहटबाट काठमाडौं जाँदै गरेको सुमो मकवानपुरको बतासेमा दुर्घटना, १० जना घाइते
हेटौंडा– रौतहटको गौरबाट काठमाडौं जाँदै गरेको सुमो मकवानपुरको उत्तरी क्षेत्रस्थित इन्द्रसरोबर गाउँपालिकास्थित बतासेमा दुर्घटना भएको छ। दुर्घटनामा परी १० जना घाइते भएका छन् ।
इन्द्रसरोवर गाउँपालिका-२ बतासेस्थित भीमफेदी-कुलेखानी-सिस्नेरी काठमाडौं सडक खण्डमा आज बुधबार दिउँसो ना१ज ५४८५ नम्बरको सुमो ब्रेक फेल भएर सडकबाट करिब १०० मिटर तल खोल्सामा खसेको हो । दुर्घटनामा परी ३ जना यात्रु गम्भीर घाइते भएको मकवानपुरका प्रहरी नायव उपरीक्षक श्यामु अर्यालले जानकारी दिए ।
दुर्घटनामा १ जना घाइतेको अवस्था मध्यम, ५ जना घाइतेको अवस्था सामान्य रहेको डिएसपी अर्यालले बताए ।थप उपचारको लागि घाइतेलाई काठमाडौं पठाइएको र घाइतेहरूको पहिचान हुन बाँकी रहेको छ । घट्नाको बारेमा थप अनुसन्धान भैरहेको मकवानपुर प्रहरीले जनाएको छ। ।
