पेट्रोलियम विक्रेता संघको अध्यक्षमा इटेनी निर्विरोध निर्वाचित
हेटौँडा- नारायणी पेट्रोलियम विक्रेता संघ, हेटौँडाको अध्यक्षमा उत्सव इटेनी निर्विरोध निर्वाचित भएका छन् । संघको शनिबार हेटौँडामा सम्पन्न १४ औँ वार्षिक साधारणसभा तथा अधिवेसनले इटेनीलाई पुनः अध्यक्षमा निर्वाचित गरेको हो । संघको वरिष्ठ उपाध्यक्ष ठाकुर भट्टराई, उपाध्यक्ष दीपेन्द्र बर्तौला, सचिव विष्णुहरि पण्डित, सहसचवि उत्तम खड्का र कोषाध्यक्ष रामजी कोइराला निर्वाचित भएका छन् । संघको कार्यसमिति सदस्यहरुमा रामेश्वर श्रेष्ठ, अभिषेक बर्तौला,राजु बिडारी, मनोजकुमार शाह निर्वाचित हुनुभएको छ भने पदेन सदस्यमा किशोर शर्मा कँडेल रहेका छन् ।
पत्रकार दाहाल र विष्ट सम्मानितनारायणी पेट्रोलियम विक्रेता संघ, हेटौँडाले मकवानपुरका पत्रकारद्वय प्रताप विष्ट र राममणि दाहाललाई सम्मान गरेको छ । पेट्रोलियम विक्रेता संघको वार्षिक साधारणसभाका अवसरमा संघले पत्रकारद्वय विष्ट र दाहाललाई सम्मान गरेको हो । मकवानपुर जिल्लामा रहेर जिल्लाको आर्थिक एवम् सामाजिक क्षेत्रको विकासमा पत्रकारिताको माध्यमबाट महत्वपूर्ण योगदान पु¥याएको भन्दै दाहाललाई राजन थापा स्मृति पत्रकारिता पुरस्कार र विष्टलाई बलराम दास स्मृति पत्रकारिता पुरस्कारबाट सम्मान गरिएको हो । नेपाल पेट्रोलिय डिलर्स राष्ट्रिय एसोसियसनका अध्यक्ष लिलेन्द्रप्रसाद प्रधानले कार्यक्रममा पत्रकार दाहाल र विष्टलाई जनही ११ हजार १११ रुपियाँ राशिको पुरस्कारसहित सम्मान गर्नुभएको थियो ।
यसअघि संघको साधारसभाको उद्घाटन गर्दै नेपाल पेट्रोलिय डिलर्स राष्ट्रिय एसोसियसनका अध्यक्ष लिलेन्द्रप्रसाद प्रधानले पेट्रोलियम पदार्थको कारोवार अत्यावश्यक पदार्थमा पर्ने र यो सेवामूलक व्यवसाय भएको भन्दै पेट्रोल पम्प २४ सैं घण्टा खुल्नुपर्ने व्यवस्था भएसँगै निगमका डिपोहरुपनि नियमित गर्नुपर्ने माग गरेका छन् ।नेपाल आयल निगम मधेश प्रादेशिक कार्यालय, अमलेखगञ्जका कार्यालय प्रमुख अशोक शाहले निगममा निगमले चुनौतीका बिच पेट्रोलियम पदार्थको बिक्री व्यवस्थालाई सुनिश्चित गरेको भन्दै पेट्रोलियम पदार्थ बिक्रेताको निजी सवारीबाट ढुवानी गर्न पाइने बताए ।
पेट्रोलिय डिलर्स राष्ट्रिय एसोसियसनका महासचिव विश्वप्रसाद अर्यालले पेट्रोलियम पदार्थको अहिले आपूर्तिमा समस्या नभएको भन्दै लगानी र जोखिमको आधारमा मुनाफा पाउनुपर्ने बताए । चितवन पेट्रोलियम डिलर्स एसोसियसनका अध्यक्ष शर्मिला सेढाईले सूचना सबैको अधिकार भएको भन्दै आयल निगमलाई सूचना नलुकाउन र पारदर्शिता अपनाउन आग्रह गरे । नारायणी पेट्रोलियम विक्रेता संघ, हेटौँडाका अध्यक्ष उत्सव इटेनीको अध्यक्षतामा भएको कार्यक्रममा मकवानपुर उद्योग वाणिज्य संघका अध्यक्ष प्रमोदसिंह रानाभाट, नारायणी यातायात व्यवसायी संघका अध्यक्ष हीरालाल श्रेष्ठ, पेट्रोलियम विक्रेता संघका पूर्वअध्यक्ष सिद्धिलाल श्रेष्ठ, सल्लाहकार ढुण्डीराज उप्रेती, वरिष्ठ उपाध्यक्ष रामेश्वर श्रेष्ठ, बागमती पेट्रोलियम विक्रेता संघका अध्यक्ष अच्युत खड्का, रौततह पेट्रोलियम विक्रेता संघका अध्यक्ष महेश दासलगायतले बोलेका थिए ।
