बसामाडी जेसीज सप्ताह बुधबारदेखि
हेटौंडा- बसामाडी जेसीजले आफ्नो नियमित कार्यक्रम अन्तरगतको जेसीज सप्ताह विविध कार्यक्रम सहित बुधबारदेखि मनाउने निर्णय गरेको छ ।मंसिर २० गते बुधबारदेखि २३ गतेसम्म बिभिन्न सातवटा कार्यक्रम गरी जेसीज सप्ताह मानउन लागिएको बसामाडी जेसीज वर्ष २०२३ का तालिम संयोजक बुद्धराज अर्यालले जानकारी दिएका छन् । मंसिर १९ गते नेपाल जेसीज वर्ष २०२३ का राष्ट्रिय उपाध्यक्ष सरोज अधिकारीको प्रमुख आतिथ्यतामा बसेको बसामाडी जेसीजको पाँचौ बोर्ड बैठकले जेसीज सप्ताह आयोजना गर्नका लागि कार्यकारिणी उपाध्यक्ष उद्वबराज कठायतलाई सप्ताह मूलकार्यक्रम संयोजक चयन गर्ने निर्णय गरेको छ ।
जेसीज सप्ताह अन्तरगत बिभिन्न ७ वटा कार्यक्रमको मिति, स्थान सहित कार्यक्रम संयोजकहरु चयन गर्ने निर्णय गरिएको अध्यक्ष जनक भण्डारीले बताए । मंसिर २० गते मनिष खड्काको संयोजकत्वमा कमलडाँडा फुटसल मैदानमा अन्तर जेसीज फूटसल प्रतियोगिता, ध्रुब गौतमको संयोजकत्वमा जनप्रिय मावि हटियामा लागूपदार्थ दुब्र्यसनविरुद्ध सचेतना कार्यक्रम हुनेछ । मंसिर २१ गते रमेश शर्माको संयोजकत्वमा नेपाल परिवार नियोजन संघ हेटौंडामा प्रजनन स्वास्थ्य तथा परिवार नियोजनसम्बन्धी अन्तरक्रिया र
सरोज देबकोटाको संयोजकत्वमा हाम्रो घर हेटौंडा–५ मा बालबालिकासँग जेसीजको सहयोगी हात कार्यक्रम हुनेछ ।
२२ गते प्रमोद उप्रेतीको संयोजकत्वमा आशा फाउन्डेसन स्कुलमा खाद्यान्न बितरण र दीपेन्द्र यादवको संयोजकत्वमा सिद्धार्थ शिशुसदन माविमा बक्तृत्वकला प्रतियोगिता हुनेछ । मंसिर २३ गते बुद्धराज अर्यालको संयोजकत्वमा होटल लिडो इन हेटौंडामा समापन तथा पुरस्कार बितरण कार्यक्रम हुनेछ । सामाजिक उत्तरदायित्व सहितको कार्यमायुवाहरुको क्षमता विकासका लागि बसामाडी जेसीजले विविध रचनात्मक कार्यक्रमहरु सञ्चालन गर्दे आएको बसामाडी जेसीज वर्ष २०२३ का महासचिव सुरज डंगोलले बताए ।
बसामाडी जेसीजको जेसीज सप्ताह अन्तरगत हुने सबै कार्यक्रममा सहभागिताको लागि सम्पूर्ण सरोकारवालालाई वर्ष २०२३ का तालिम संयोजक एवम् जेसीज सप्ताह समापन तथा पुरस्कार बितरण कार्यक्रम संयोजक अर्यालले अनुरोध गरेका छन् ।
