स्कुटरको ठक्करबाट हजुरआमाको मृत्यु, नाती घाइते
हेटौंडा- मकवानपुरको पूर्वीक्षेत्रस्थित बागमती गाउँपालिकामा स्कुटरले पैदलयात्रामा रहेका हजुरआमा र नातीलाई ठक्कर दिएको छ । स्कुटरको ठक्करबाट हजुरआमाको मृत्यु भएको छ । नाति भने घाइते छन् ।सोमबार अपरान्ह धरान–चतरा सडकखण्डअन्तर्गत मकवानपुरको बागमती–४ हरामीटोलमा हेटौंडाबाट सिन्धुलीतर्फ जाँदै गरेको बागमती प्रदेश ०३–००४ प ७२७६ नम्बरको स्कुटरले ठक्कर दिँदा बाटो काट्दै गरेका पैदलयात्रुको मृत्यु भएको मकवानपुरका निमित्त प्रहरीप्रवक्ता प्रहरीनिरीक्षक ठाकुरप्रसाद सापकोटाले जानकारी दए ।
स्कुटरले पैदलयात्री बागमती गाउँपालिका–४ बस्ने वर्ष ४८ की गंगा पहरी र सोही स्थानका ५ वर्षीय अनुप पहरीलाई ठक्कर दिएको थियो । गम्भीर घाइते गंगाको उपचारको क्रममा सिएमसी चुरेहिल अस्पतालमा ज्यान गएको जनाइएको छ ।घाइते बालकको उपचार भइरहेको जनाइएको छ । मृतक गंगा हजुरआमा र घाइते अनुप नाती रहेको जनाइएको छ ।
