मनहरीमा साबेलले हानेर आफ्नै साथीको हत्या
हेटौंडा- मकवानपुरमा कुटपिट गरी आफ्नै साथीको हत्या भएको छ । मकवानपुरको मनहरी गाउँपालिका–६ प्रतापुर लच्का बस्ने ३४ वर्षीय अम्मरबहादुर लोप्चनले आफ्नैघरमा सुतेको अवस्थामा सोही ठाउँ बस्ने ५० वर्षीय साथी जीतबहादुर मोक्तानको कुटपिट गरी हत्यागरेको जिल्ला प्रहरी कार्यालय मकवानपुरले जनाएको छ ।प्रहरीका अनुसार दुबैजना सँगै मजदुरी काम गरी हिड्ने, प्रायजसो दुबैजना लोप्चनको घरमा सुत्ने गरेको र सुतिरहेको अवस्थामा एक्कासी सावेलले प्रहार गरी घाइते बनाएकोमा उपचारका क्रममा बिहीबार बिहान मृत्यु भएको हो ।
राति लेनदेनको कुरामा विवाद गर्दै गर्दा एक्कासी बेल्चाले अम्मरबहादुरले प्रहार गरेर टाउको र दुबै खुट्टामा चोट अवस्था गम्भिर कुटपिट गरी जीतबहादुरलाई घाइते बनाएका थिए ।
मोक्तानलाई कुटपिट गरी घाइते बनाएको र उनको भरतपुर सरकारी अस्पताल चितवन उपचारका क्रममा डाक्टरले मृतघोषणा गरेको प्रहरीले जनाएको छ । कुटपिट गर्ने व्यक्तिलाई सावेल सहित नियन्त्रणमा लिईएको प्रहरीले जनाएको छ । शव चितवनस्थित सरकारी अस्पतालमा नै रहेको जानकारी दिइएको छ ।
