जबरजस्ती करणीको अभियोगमा एकजना पक्राउ
हेटौंडा-१७ वर्षीया किशोरीलाई जबरजस्ती करणी गरेको अभियोगमा एकजना किशोर पक्राउ परेका छन् । थाहा नगरपालिका–३ शिखरकोट बस्ने १९ वर्षीय एलोन विष्टलाई मंगलबार दिउँसो प्रहरीले पक्राउ गरेको छ । विष्टले ती किशोरीलाई जबरजस्ती करणी गरेको भन्ने उजुरीको आधारमा जिल्ला प्रहरी कार्यालय मकवानपुरबाट खटिएको प्रहरीले उनलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको बताइएको छ ।
