हेटौंडाका १२२ करदाता कारबाहीमा
हेटौंडा-लामो समयदेखि कर नबुझाएका १२२ करदातालाई हेटौंडास्थित आन्तरिक राजस्व कार्यालयले कारबाही गरेको छ । लामो समयदेखि मूल्यअभिवृद्धि कर, आयकर, अन्तःशुल्क तथा अग्रिम करकट्टीको बक्यौता नबुझाउने १२२ जना करदातामाथि कारबाहीको प्रक्रिया अघि बढाइएको आन्तरिक राजश्व कार्यालय हेटौंडाका प्रमुख युक्तप्रसाद सुवेदीले जानकारी दिए ।
अब निर्धारित मितिमा बक्यौता दाखिला नगरे बैंक खाता, घरजग्गा तथा आयातनिर्यात रोक्का गरिने प्रमुख सुवेदीले चेतावनी दिएका छन् । कर नबुझाउनेहरुको अभिलेख तयार भएको उनले बताए । नियमित बजार अनुगमनपछि आर्थिक वर्ष २०८१÷८२ मा करदाता बढेका छन् ।
