पर्वको गौरव र मर्यादालाई कायम राख्दै मनाउन आग्रह

हेटौंडा- बागमती प्रदेशप्रमुख दीपकप्रसाद देवकोटाले विशेषगरी हिन्दु महिलाले मनाउने पर्व हरितालिका तिजको अवसरमा शुभकामना व्यक्त गरेका छन् ।सनातन वैदिक संस्कृतिमा नारीशक्तिको सम्मान र प्रकृतिको संरक्षणका लागि विशेष महत्व राख्ने यो पर्वले एकताबद्ध भई अगाडि बढ्न प्रेरणा दिने उल्लेख गर्दै प्रदेशप्रमुख देवकोटाले शुभकामना सन्देश जारी गरेका हुन् । पछिल्लो समय देखापरेका भड्कीलो देखासिकीबाट पर रहेर पर्वको गौरव र मर्यादालाई कायम राख्दै तिजपर्व मनाउन प्रदेशप्रमुख देवकोटाले सबैमा अनुरोध गरेका छन् । मुलुकको समृद्धि, राष्ट्रिय एकता र सामाजिक सद्भाव कायम राख्नका लागि यस्ता चाडपर्वको ठूलो भूमिका हुने बताउँदै पर्वले समाजमा रहेका विकृति र विसंगतिलाई हटाएर समानता र न्यायमा आधारित समाज निर्माण गर्न सबैलाई प्रोत्साहन गरोस् भन्ने कामना गरे ।

‘तिजले पारिवारिक तथा सामाजिक सद्भावलाई अझ प्रगाढ बनाउनुका साथै मौलिक संस्कृति र परम्परालाई जीवन्त राख्न मद्दत पु¥याउँछ’ सन्देशमा भनिएका छ । यसपर्वमा चेलीहरुले जन्मघर गएर आफ्ना दुःखसुख साट्ने, नाचगान गर्ने र मीठो परिकार खाने प्रचलन छ । जसले दिदीबहिनीहरुमा आपसी प्रेम र आत्मीयता बढाउनेमा प्रदेशप्रमुख देवकोटाले विश्वास व्यक्त गरेका छन् । पौराणिक कथाअनुसार, माता पार्वतीले महादेवलाई पतिको रुपमा पाउनका लागि कठोर तपस्या तथा निराहार व्रत बसेर त्याग
गरेको कथासँग तिजपर्वको इतिहास जोडिएको छ ।

हिमालय पर्वतमा घोर तपस्या गरेको र उहाँको यही त्याग र समर्पणबाट खुसी भएर महादेवले उहाँलाई पत्नीका रुपमा स्वीकार गर्नुभएको धार्मिक विश्वास छ । पौराणिक कथाअनुसार माता पार्वतीको यही कठोर तपस्याको सम्मानस्वरुप हरितालिका तिज मनाउने गरिन्छ ।यो पर्वले भगवान शिव र पार्वतीको अटुट प्रेम र समर्पणको गाथालाई स्मरण गराउँदै नारी जीवनमा पतिको दीर्घायु, सुस्वास्थ्य र प्रगतिको कामना गर्ने महत्वपूर्ण पर्वकारुपमा स्थापित छ । त्यसैगरी बागमती प्रदेशका मुख्यमन्त्री ईन्द्रबहादुर बानियाँले पनि हरितालिका तीज २०८२ को अवसरमा मंगलबार नेपाली महिलालाई शुभकामना व्यक्त गरेका छन् ।

तीज नेपाली महिलाहरुको महान् पर्व भएको उल्लेख गर्दै मुख्यमन्त्री बानियाँले यसपर्वले महिलामा सामाजिक, पारिवारिक, धार्मिक तथा सांस्कृतिक एकता र सद्भाव बढाउन सहयोग गर्ने विश्वास व्यक्त गरेका छन् । उनले तीजपर्वले समाजमा विद्यमान लै·िक, जातीय, वर्गीय विभेद र सबै किसिमका असमानता अन्त्य गरी सामाजिक समावेशीकरण, समानता र न्यायपूर्ण समाज निर्माणमा टेवा पु¥याउने अवसर प्रदान गर्ने बताए । मुख्यमन्त्री बानियाँले तीजलाई सांस्कृतिक मूल्य तथा मान्यतासहितको पर्वका रुपमा लिँदै यसले नेपाली महिलाको सामाजिक, पारिवारिक र वैवाहिक सम्बन्ध सुदृढ बनाउन महत्वपूर्ण भूमिका खेलेको उल्लेख गरेका छन् ।

शुभकामना सन्देशमार्फत उनले देशविदेशमा रहेका सम्पूर्ण नेपाली महिलालाई स्वास्थ्य, समृद्धि, सुख, शान्ति र प्रगतिका लागि शुभकामना व्यक्त गरेका छन् । त्यसैगरीस्वास्थ्य मन्त्री किरण थापा मगरले हरितालिका तीजको पावन अवसरमा देशविदेशमा रहेका सम्पूर्ण आमा तथा दिदीबहिनीप्रति हार्दिक शुभकामना व्यक्त गरेका छन् । मन्त्री थापाले मंगलबार शुभकामना सन्देश जारी गर्दै तीज केवल पर्व मात्र नभई महिलाको हक, अधिकार, आत्मसम्मान र सामाजिक पहिचानलाई अझ सशक्त बनाउन सक्ने महत्वपूर्ण अवसर भएको बताए ।

‘नेपाली समाजमा तीजले ल्याउने सामाजिक, सांस्कृतिक र पारिवारिक एकताको भावना अत्यन्त महत्वपूर्ण छ,’ मन्त्री थापाले सन्देशमा लेखेका छन् ‘यो पर्व महिला अधिकार, लै·िक समानता र सामाजिक सशक्तीकरणको सन्देशसहित मनाउन आग्रह गर्दछु ।’ उनले बागमती प्रदेश स्वास्थ्य मन्त्रालयले महिला स्वास्थ्य, शिक्षा र सशक्तीकरणलाई प्राथमिकतामा राख्दै विभिन्न कार्यक्रम सञ्चालन गर्दै आएको र आगामी दिनमा अझ प्रभावकारी योजना ल्याइने प्रतिबद्धता व्यक्त गरे । स्वास्थ्यप्रति सचेत रहँदै तीजको उल्लासपूर्ण वातावरणमा सहभागी हुन सबै दिदीबहिनीलाई आह्वान गर्दै मन्त्री थापाले लेखे, ‘हरेक महिलाको स्वास्थ्य सुरक्षित होस्, घरआँगनमा तीजको उल्लास छाओस् ।’