हेटौंडाका न्यौपानेद्वय स्टेशनरी व्यवसायी महासंघमा विजयी
हेटौंडा-नेपाल पुस्तक तथा स्टेशनरी व्यवसायी महासंघको छैठौं महाधिवेशनबाट मकवानपुरका किरणबाबु न्यौपाने सहकोषाध्यक्ष र बासु न्यौपाने लेखा समिति सदस्य चयन भएका छन् । चितवनको सौराहामा बिहीबार सम्पन्न निर्वाचन प्रक्रियाबाट किरणबाबु सर्वसम्मत सहकोषाध्यक्ष र २ जना लेखा समिति सदस्यका लागि भएको निर्वाचनमा दोस्रो स्थानमा रहँदै बासु सदस्यमा निर्वाचित भएका हुन् । लेखा समिति सदस्यमा तीन जना आकांक्षी थिए । किरण बाबु पुस्तक तथा स्टेशनरी व्यवसायी संघ मकवानपुरको दुई कार्यकाल अध्यक्ष तथा दुई कार्यकाल केन्द्रीय सदस्य भइसकेका छन् । यस्तै बासु जिल्लाको निवर्तमान अध्यक्ष हुन् । महाधिवेशनबाट सञ्जय चौधरी अध्यक्ष चुनिएका छन् ।
