लागूऔषधसहित दुई जना पक्राउ
हेटौंडा-मकवानपुर प्रहरीले अवैध लागूऔषध नाईट्रोभेट सहित दुई जनालाई पक्राउ गरेको छ । शुक्रबार हेटौंडाको छुट्टाछुट्टै स्थानबाट नाईट्रोभेट १ सय १६ ट्याब्लेटसहित दुई जनालाई पक्राउ गरेको जिल्ला प्रहरी कार्यालय मकवानपुरले जनाएको छ । पक्राउ पर्नेहरुमा हेटौंडा उपमहानगरपालिका–४ बस्ने ३४ वर्षीय अनिलकुमार तामाङ र बाराको जितपुर सिमरा उपमहानगरपालिका–२२ बस्ने २३ वर्षीय अनिस तामाङ रहेका छन् ।
शुक्रबार भुटनदेवी मोडतर्फबाट शितलमहल चोकतर्फ जाँदै गरेको गरेको बा २४ प ४५९५ को मोटरसाईकललाई हेटौंडा–४ स्थित सडकखण्डमा रोकी चेकजाँच गर्ने क्रममा मोटरसाइकल चालक अनिलको साथबाट ४८ ट्याब्लेट बरामद भएपछि निजलाई पक्राउ गरेको प्रहरी नायव उपरीक्ष जयश्वर रिमालले बताए ।
शुक्रबार नै हेटौंडा उपमहानगरपालिका वडा नम्वर १० बसपार्कस्थित बसिरहेका अनिशलाई शंका लागि चेकजाँच गर्दा लुकाइछिपाइ ल्याएको लागूऔषध नाईट्रोभेट ६९ ट्याब्लेट बरामद भएपछि निजलाई पक्राउ गरेको रिमालले बताए । उनका अनुसार, पक्राउ परेका दुबै जनालाई आइतबार मकवानपुर जिल्ला अदालतबाट दिन ५ को म्याद थप गरी आवश्यक अनुसन्धान गरिरहेको छ ।
